RTSH 24 Live

Bota

Fitorja e Biden, reagojnë Macron, Johnson e lider të tjerë evropianë

07/11/2020

Fitorja e Biden, reagojnë Macron, Johnson e lider të tjerë evropianë
Presidenti i ri i SHBA, Joe Biden

Fitorja e Joe Biden, ka sjellë edhe reagime të politikës botërore. Liderët evropianë e kanë përgëzuar atë për fitoren.

“Urime Joe Biden për zgjedhjen si Presidenti i Shteteve të Bashkuara dhe Kamala Harris, për arritjen e saj historike. SHBA është aleati ynë më i rëndësishëm dhe e mirëpres bashkëpunimin në prioritetet tona të përbashkëta, nga ndryshimet klimatike, tregtia dhe siguria”ka thënë kryeministri britanik Boris Johnson, me anë të një postimi në rrjetet sociale.

Për fitoren e Biden ka reaguar edhe presidenti francez Emmanuel Macron, i cili jo vetëm i ka përgëzuar ata për fitoren, por edhe u ka bërë ftesë për bashkëpunim. Presidenti i Francës tha se Amerikanët kanë përzgjedhur presidentin e tyre. Kemi shumë për të bërë për të tejkaluar sfidat e ditëve të sotme. Le të nisim të bashkëpunojmë!

Presidentja e Komisionit Evropian, në mesazhin e saj urues, ka risjellë në vëmëndje  miqësinë amerikano- evropiane.

"Së bashku, kemi ndërtuar një partneritet transatlantik të paprecedent, të rrënjosur në historinë e përbashkët dhe vlerat demokratike, lirinë, të drejtat e njeriut, drejtësinë sociale dhe ekonominë e tregjeve të hapura”., tha Von Der Leyen. /rtsh.al